Wednesday, October 24, 2012

ட்விட்டர் பகீர்



சமீபத்தில் ட்விட்டரில் நடந்து வரும் சர்ச்சைகளை காணும் போது தமிழர்கள் குழாயடி சண்டை மனநிலையிலிருந்து இன்னும் வெளிவரவில்லை என்பது ஊர்ஜிதமாகிறது....

கல் தோன்றி மண் தோன்றி முன் தோன்றா மூத்த குடி என்று பீற்றி கொள்ளும் சமூகத்தில்தான் மன நோயாளிகளின் எண்ணிக்கை அதிகமாக இருக்கிறது... நான் குறை சொல்வது இருதரப்பையுமேதான்.... ஒருவருக்கு பிடிக்கவில்லை என்றால் வெளியேறியிருக்கலாம்.... மற்றொரு டீம் இத்தனை மோசமான வார்த்தை தாக்குதல் நடத்தி இருக்க தேவையில்லை....

மேலும் ஒரு டெக்னாலஜியை மோசமாக பயன்படுத்துவதில் தமிழனுக்கு நிகர் தமிழந்தான்... ஜாலியாக இருக்க வேண்டிய இடத்தில் சீரியஸாகவும்... சீரியஸாக இருக்க வேண்டிய இடத்தில் காமெடி பண்ணுவதிலும் அவனை அடித்துக் கொள்ள ஆளே இல்லை எனலாம்.

எல்லா க்ரூப்பிலும் ஜாதி எளிதாக நுழைந்து விடுகிறது... ஜாதி வெறியை தணிக்க பெரியார் நடத்திய போராட்டம் இம்மி அளவிலும் பயன் தரவில்லை... ஜாதிகள் இல்லை நாமெல்லாம் மனிதர்கள் என்ற மனநிலை எந்த காலத்திலும் வரப் போவதில்லை...

Sunday, October 14, 2012

மாற்றான்



செம மொக்க படம்... கதை, திரைக்கதை, வசனம், டைரக்ஷன், இசை என்று எல்லா கோர் ஏரியாவிலும் சொதப்போ சொதப்புன்னு சொதப்பிய படம்....



கண்டிக்கப்பட வேண்டிய முக்கியமான விஷயம். வழிப்பறிக் கொள்ளையர்களாக நேரடியாக பீகார் மாநிலத்தினரை சுட்டிக்காட்டுவது... வெகுஜன படம் சென்ஸாராகும் போது சென்ஸார் அதிகாரிகள் என்னத்த புடுங்கிகொண்டிருந்தனரோ தெரியவில்லை...



சூர்யாவுக்கு அறிவே கிடையாதா? இப்பதான் ஏழாம் அறிவு என்று ஒரு ஜெனடிக்ஸ் சம்பந்தமான படம் வந்தது. தொடர்ந்து அதே ஜென்ரேயில் படம் செய்யும் முட்டாளா சூர்யா... மொத்ததில் ரூபாய் 500 செலவு செய்த என்னை மாதிரி குடும்பஸ்தனுங்க வயித்தெரிச்சல வாங்கி கட்டிகிட்டாரே... நாலு அட்வடைஸ்மெண்ட் நடிச்சு ரசிகர்களின் பணத்த திருப்பி கொடுத்து எங்க வயித்துல பால வார்த்தார்னா நல்லாருக்கும்....

kv ஆனந்த் - மூன்று வெற்றி படங்களுக்கு அப்புறம் ஒரு ரெண்டு வருஷம் ரெஸ்ட் எடுத்துட்டு அடுத்த படம் கொடுத்திருக்கலாம்.... தமிழ் நாட்டில் எஸ்.எஸ்.ராஜமவுலி போல ஒரு மாஸ் டைரக்டர் உருவாகவே மாட்டார் போல இருக்கு.... பாக்குறவனல்லாம் பைத்தியக்காரன்னு நினைச்சாதான் இப்படி ஒரு திரைக்கதை எழுத முடியும்..

காஜல் - பொண்ணு அழகா இருந்தாலும் கேரக்டர் ஸ்கெட்ச் மோசமா போனதுதான் பாவம்...  ஆனாலும் லவ் டிராக் இவ்ளோ சொதப்பலா இருந்திருக்க தேவையில்லை....

பாடல் - ரெண்டு பாட்டு ஓகே..

இசை - ஹாரிஸ் ஜெயராஜ உக்ரெயின் மெண்டல் ஹாஸ்பிடல்ல சேத்து ட்ரீட்மெண்ட் கொடுக்கலாம்.. அப்படி ஒரு பைத்தியக்காரத்தனமான பிண்ணனி இசை.

Wednesday, October 3, 2012

காந்தி



பலவருடங்களாக ஹிந்தியிலோ, ஆங்கிலத்திலோ புரியாமலே பார்த்த படம், நேற்றுதான் கலைஞர் டிவியில் தமிழில் புரிந்து பார்த்தேன்...

மாகாத்மாவின் வரலாறை மூன்று மணி நேரத்தில் ஆவணபடுத்ததுவது என்பது கடலை டம்ளரில் அடைப்பதற்கு சமம்... ஆனால் ஒரு இயக்குனராக அப்பணியை சிறப்பாக செய்திருக்கிறார்...

மகாத்மா... கொண்டாடியதும் மக்களே... கொன்றதும் மக்களே.... கொன்று கொண்டிருப்பதும் மக்களே...

Wednesday, September 12, 2012

கண்டனம், சபாஷ்

கண்டனம்

கார்ட்டூன் என்ற பெயரில் தமிழக முதல்வரையும் இந்திய பிரதமரையும் அருவருக்கதக்க விதத்தில் கேலி செய்துள்ள இலங்கை கார்டூனிஸ்டுக்கும் அதை ஊக்குவிக்கும் விதத்தில் செயல்படும் இலங்கை அரசுக்கும்... பாகிஸ்தானோடு இத்தனை வீராப்பு காட்டும் இந்தியா இலங்கை விஷயத்தில் ஏன் இத்தனை மெத்தனம் காட்டுகிறது என புரியவில்லை.. சீனாவின் அச்சுறுத்தல் காரணம் என்றால் சிரிப்புதான் வருகிறது... வடக்கே பல்லாயிரம் கிலோ மீட்டர் எல்லையில் கொடுக்க முடியாத அச்சுறுத்தலையா இந்த இலங்கையிலிருந்து கொடுத்து விட முடியும்... இனியும் தாமதிக்காமல் இலங்கையின் அட்டகாசத்தை தடுக்க முயற்சிக்காவிடில் தமிழகத்தின் நிலை இன்னும் பரிதாபமாகி விடும்.... துபாயிலும் கேரளாவிலும் மீனவன் செத்தால் எடுக்கும் முயற்சிகளில் ஒரு சதவீதம் கூட தமிழ் மீனவர்கள் சுடப்படும் போது எடுக்க படுவதில்லை...

சபாஷ்

இந்திய கார்டூனிஸ்ட் அரெஸ்ட் செய்திகளை பார்த்த போது ஒன்றும் புரியவில்லை... ஆனால் அவர் வரைந்த கார்டூனை பார்த்த போது அவனது விரல்களை வெட்டி அனுப்பினால் தேவலாம் என்று தோன்றுகிறது... என்னா ஒரு தெனாவட்டு இருந்தால் தேசிய அடையாளங்களை அவமதித்திருப்பான்... என்னதான் இருந்தாலும் எதிர்ப்பிற்கான‌ முறை இதுவன்று...

Monday, August 27, 2012

அட்ட கத்தி


முதல் நாளே பார்த்த முதல் லோ பட்ஜெட் படம்.... சுதந்திர தினத்தன்று சென்னையில் இருந்ததால் குடும்ப உறுப்பினர்கள் சுமார் 10 பேர் சென்றோம்....

படம் சூப்பர்... இன்றைய தமிழ் சூழலுக்கு தேவையான படத்தை கொடுத்த இயக்குனருக்கும், தயாரிப்பாளர்களுக்கும் மனமார்ந்த வாழ்த்துக்கள்.....

சிலாகிக்க பல காட்சிகள் உள்ளன

ஹீரோ,4 நண்பர்களோடு பாரில் தண்ணியடிக்கும் சீனோ, தம்மடிக்கும் சீனோ இல்லை....  ரூட் விடும் பெண் 'அண்ணா' என்றழைத்ததும் கூல் டிரிங்க் குடித்து ஆசுவாசப்படுத்திக் கொள்கிறான்....

காலேஜ்ல ரூட்டு தல ஆனதும் தம்மடித்தோ, பீரடித்தோ கொண்டாடவில்லை... மாறாக போதை பொருள் யூஸ் பண்ணுபவர்களை அடிக்கிறான்....

மிக எளிமையாக காதலிக்கிறான்... காதலின் வலியை புரிய வைக்க அவனும் நொந்து நம்மையும் நோகடிக்கவில்லை....

காதல் கவுந்தாலும் தற்கொலை, தாடிவளர்ப்பு, ஒயின்ஷாப் என்று அலையாமல் வாழ்க்கையை ஓட்டி விடுகிறான்....

இன்றைய சூழலுக்கு தேவையான மிக சிறப்பான படம்.... தண்ணி, தம் இல்லாமல் இள வயசு பசங்களை வைத்து ஒரு சுவாரசியாமான படம் தர முடியும் என்று அழுத்தந்திருத்தமாக நிருபித்த இயக்குனருக்கு எப்படி புகழ்ந்தாலும் தகும்....


Monday, July 16, 2012

மண்டே

மண்டே


எனது E7 பைபேக் செய்துவிட்டு S3 வாங்க வேண்டும் என்று மனைவியிடம் சொன்னேன். வாங்கி 15 மாசந்தானே ஆகுது அதுக்குள்ளயா? என்றாள்....

குழந்தையே 10 மாசந்தான் வயித்துக்குள்ள இருக்கு... மொபைல்ல 15 மாசம் வச்சிருக்க முடியுமா என்றேன்



மாமனாரிடம் இரவு ஷிரடி செல்கிறோம் என்றேன். செகண்ட் ஷோவா?? யார் நடிச்சது? என்றார்


மச்சானுக்கு வயசு 28... பொண்ணு பாக்க தொடங்கயிருக்கிறோம்.... 35 வயசுல பொண்ணு பாருங்க என்கிறான்... அவன் ஒரு சமீரா ரெட்டி ரசிகன்....


தடையற தாக்க படம் பார்த்தேன்  - ஒரு க்ளீன் ஆக்ஷன் மூவி வித் பர்பெக்ட் லவ் எபிசோட்.... விஜய் நடித்திருந்தால் பல உயரம் சென்றிருக்கும்....

பில்லா 2 விமர்சனங்களால் பாதிக்கப்பட்டதால் போகவில்லை... சகுனி பார்த்தேன்... டிவியில் பார்க்க நன்றாகத்தானிருந்தது....

Sunday, July 8, 2012

நான் ஈ படம்னா இது படம்... மத்ததெல்லாம் பப்படம்.... ராஜமெளலி தான் ஒரு கிங் என்பதை மறுபடியும் நிருபித்து விட்டார்... ஒரு அருமையான திரைக்கதையின் ஆரம்பமாக இது ஒரு பெட் டைம் ஸ்டோரி என்றுதான் ஆரம்பிக்கிறார்.. ஆனால் ஒரு பத்து நிமிடங்களிலேயே திரைக்கதை நம்மை ஆக்கிரமித்து விடுகிறது... மூணே மூனு லைன் வசனத்தில் வில்லனின் கேரக்டரைஷேஷன் புரிந்து விடுகிறது... சூப்பர் ஸ்டாரின் 'சிங்கம் சிங்கிளாத்தான் வரும்' வசனம் மிகச்சரியாக ப்ளேஸ் செய்யப்பட்டுள்ளது.... விமர்சனம் படிக்காமல் தியேட்டரில் சென்று பார்ப்பவர்களுக்கு மிகப்பெரிய விஷூவல் ட்ரீட் தான் இந்த ஈ...