Thursday, November 8, 2012

தமிழன்



தமிழரில் ஒரு பிரிவினர் மறுபடி மறுபடி முட்டாள்கள், கத்து குட்டிகள் என்று ஃப்ருவ் செய்து கொண்டிருக்கிறார்கள்.... நக்கலாக கடந்து செல்லும் விளம்பரத்திற்கெல்லாம் ஆர்பாட்டம் கண்டனம் என்று கதறி கொண்டிருக்கிறார்கள்.... மற்ற மாநிலங்களில் இருக்கும் சர் நேம் கான்செப்டுக்கு, தமிழ் நாட்டில் ஜாதி சாயம் பூசி மெழுகி அழுது கொண்டிருக்கிறார்கள்... சாதிக்கும் சர் நேமுக்கும் வித்தியாசம் தெரியாத பதர்களுக்கு, டில்லியை பொறுத்தவரை சவுத் என்றாலே மதராஸி, மதராஸி என்றாலே அய்யர் என்பது இன்னும் தெரியாமல் வாழ்ந்து கொண்டிருக்கிறார்கள்...


வடக்கில் பெயர் கான்செப்டிலேயே சர் நேம் மிகவும் அவசியம்... மும்பையில் இருக்கும் தமிழர்களின் குழந்தைகளின் பெயர்களில் நாடாரும், அய்யரும், பிள்ளையும் கலந்திருக்கும்... அவர்களை பொருத்த வரை அது சர் நேம்தான்... ஜாதி அல்ல... அந்த பக்குவம் தமிழர்களுக்கு எப்போது வரும்???

Monday, November 5, 2012

இரங்கல்



எனக்கு சிக்கன் மசாலா மற்றும் மட்டன் பிரியாணி செய்ய டிவி மூலம் கற்று கொடுத்த திரு ஜேக்கப் அவர்கள் மறைந்து விட்டார். அவருக்கு ஆழ்ந்த அஞ்சலிகள்

Thursday, November 1, 2012

தாண்டவம்



வயசான விக்ரம்.... வயசு பொண்ணு அனுஷ்கா, எமி... டிரையான சந்தானம்... மற்றும் பலர் ஆடும் தெருக்கூத்துதான் இந்த தாண்டவம்....

என்னதான் லண்டன், கிராமம் அது இதுன்னு ஜல்லியடிச்சாலும் வலுவான கதை இல்லாததால் ரொம்ப பரிதாபமாக இருந்தது பாக்குறதுக்கு.... அதுவும் விக்ரம் இந்தியாவின் டாப் 5 ஆபிசர்ர்ர்ர்ர்ர்னு சல்யூட் அடிக்கும் காட்சியில் விழுந்து விழுந்து சிரித்தேன்... அனுஷ்கா வரும் போர்ஷன் மட்டும்தான் படத்தில் கொஞ்சமே கொஞ்சம் சுவாரஸ்யமான போர்ஷன்... தம்பி ராமையா 'தப்பாச்சே' என புன்னகைக்க வைக்கிறார்


Wednesday, October 24, 2012

ட்விட்டர் பகீர்



சமீபத்தில் ட்விட்டரில் நடந்து வரும் சர்ச்சைகளை காணும் போது தமிழர்கள் குழாயடி சண்டை மனநிலையிலிருந்து இன்னும் வெளிவரவில்லை என்பது ஊர்ஜிதமாகிறது....

கல் தோன்றி மண் தோன்றி முன் தோன்றா மூத்த குடி என்று பீற்றி கொள்ளும் சமூகத்தில்தான் மன நோயாளிகளின் எண்ணிக்கை அதிகமாக இருக்கிறது... நான் குறை சொல்வது இருதரப்பையுமேதான்.... ஒருவருக்கு பிடிக்கவில்லை என்றால் வெளியேறியிருக்கலாம்.... மற்றொரு டீம் இத்தனை மோசமான வார்த்தை தாக்குதல் நடத்தி இருக்க தேவையில்லை....

மேலும் ஒரு டெக்னாலஜியை மோசமாக பயன்படுத்துவதில் தமிழனுக்கு நிகர் தமிழந்தான்... ஜாலியாக இருக்க வேண்டிய இடத்தில் சீரியஸாகவும்... சீரியஸாக இருக்க வேண்டிய இடத்தில் காமெடி பண்ணுவதிலும் அவனை அடித்துக் கொள்ள ஆளே இல்லை எனலாம்.

எல்லா க்ரூப்பிலும் ஜாதி எளிதாக நுழைந்து விடுகிறது... ஜாதி வெறியை தணிக்க பெரியார் நடத்திய போராட்டம் இம்மி அளவிலும் பயன் தரவில்லை... ஜாதிகள் இல்லை நாமெல்லாம் மனிதர்கள் என்ற மனநிலை எந்த காலத்திலும் வரப் போவதில்லை...

Sunday, October 14, 2012

மாற்றான்



செம மொக்க படம்... கதை, திரைக்கதை, வசனம், டைரக்ஷன், இசை என்று எல்லா கோர் ஏரியாவிலும் சொதப்போ சொதப்புன்னு சொதப்பிய படம்....



கண்டிக்கப்பட வேண்டிய முக்கியமான விஷயம். வழிப்பறிக் கொள்ளையர்களாக நேரடியாக பீகார் மாநிலத்தினரை சுட்டிக்காட்டுவது... வெகுஜன படம் சென்ஸாராகும் போது சென்ஸார் அதிகாரிகள் என்னத்த புடுங்கிகொண்டிருந்தனரோ தெரியவில்லை...



சூர்யாவுக்கு அறிவே கிடையாதா? இப்பதான் ஏழாம் அறிவு என்று ஒரு ஜெனடிக்ஸ் சம்பந்தமான படம் வந்தது. தொடர்ந்து அதே ஜென்ரேயில் படம் செய்யும் முட்டாளா சூர்யா... மொத்ததில் ரூபாய் 500 செலவு செய்த என்னை மாதிரி குடும்பஸ்தனுங்க வயித்தெரிச்சல வாங்கி கட்டிகிட்டாரே... நாலு அட்வடைஸ்மெண்ட் நடிச்சு ரசிகர்களின் பணத்த திருப்பி கொடுத்து எங்க வயித்துல பால வார்த்தார்னா நல்லாருக்கும்....

kv ஆனந்த் - மூன்று வெற்றி படங்களுக்கு அப்புறம் ஒரு ரெண்டு வருஷம் ரெஸ்ட் எடுத்துட்டு அடுத்த படம் கொடுத்திருக்கலாம்.... தமிழ் நாட்டில் எஸ்.எஸ்.ராஜமவுலி போல ஒரு மாஸ் டைரக்டர் உருவாகவே மாட்டார் போல இருக்கு.... பாக்குறவனல்லாம் பைத்தியக்காரன்னு நினைச்சாதான் இப்படி ஒரு திரைக்கதை எழுத முடியும்..

காஜல் - பொண்ணு அழகா இருந்தாலும் கேரக்டர் ஸ்கெட்ச் மோசமா போனதுதான் பாவம்...  ஆனாலும் லவ் டிராக் இவ்ளோ சொதப்பலா இருந்திருக்க தேவையில்லை....

பாடல் - ரெண்டு பாட்டு ஓகே..

இசை - ஹாரிஸ் ஜெயராஜ உக்ரெயின் மெண்டல் ஹாஸ்பிடல்ல சேத்து ட்ரீட்மெண்ட் கொடுக்கலாம்.. அப்படி ஒரு பைத்தியக்காரத்தனமான பிண்ணனி இசை.

Wednesday, October 3, 2012

காந்தி



பலவருடங்களாக ஹிந்தியிலோ, ஆங்கிலத்திலோ புரியாமலே பார்த்த படம், நேற்றுதான் கலைஞர் டிவியில் தமிழில் புரிந்து பார்த்தேன்...

மாகாத்மாவின் வரலாறை மூன்று மணி நேரத்தில் ஆவணபடுத்ததுவது என்பது கடலை டம்ளரில் அடைப்பதற்கு சமம்... ஆனால் ஒரு இயக்குனராக அப்பணியை சிறப்பாக செய்திருக்கிறார்...

மகாத்மா... கொண்டாடியதும் மக்களே... கொன்றதும் மக்களே.... கொன்று கொண்டிருப்பதும் மக்களே...

Wednesday, September 12, 2012

கண்டனம், சபாஷ்

கண்டனம்

கார்ட்டூன் என்ற பெயரில் தமிழக முதல்வரையும் இந்திய பிரதமரையும் அருவருக்கதக்க விதத்தில் கேலி செய்துள்ள இலங்கை கார்டூனிஸ்டுக்கும் அதை ஊக்குவிக்கும் விதத்தில் செயல்படும் இலங்கை அரசுக்கும்... பாகிஸ்தானோடு இத்தனை வீராப்பு காட்டும் இந்தியா இலங்கை விஷயத்தில் ஏன் இத்தனை மெத்தனம் காட்டுகிறது என புரியவில்லை.. சீனாவின் அச்சுறுத்தல் காரணம் என்றால் சிரிப்புதான் வருகிறது... வடக்கே பல்லாயிரம் கிலோ மீட்டர் எல்லையில் கொடுக்க முடியாத அச்சுறுத்தலையா இந்த இலங்கையிலிருந்து கொடுத்து விட முடியும்... இனியும் தாமதிக்காமல் இலங்கையின் அட்டகாசத்தை தடுக்க முயற்சிக்காவிடில் தமிழகத்தின் நிலை இன்னும் பரிதாபமாகி விடும்.... துபாயிலும் கேரளாவிலும் மீனவன் செத்தால் எடுக்கும் முயற்சிகளில் ஒரு சதவீதம் கூட தமிழ் மீனவர்கள் சுடப்படும் போது எடுக்க படுவதில்லை...

சபாஷ்

இந்திய கார்டூனிஸ்ட் அரெஸ்ட் செய்திகளை பார்த்த போது ஒன்றும் புரியவில்லை... ஆனால் அவர் வரைந்த கார்டூனை பார்த்த போது அவனது விரல்களை வெட்டி அனுப்பினால் தேவலாம் என்று தோன்றுகிறது... என்னா ஒரு தெனாவட்டு இருந்தால் தேசிய அடையாளங்களை அவமதித்திருப்பான்... என்னதான் இருந்தாலும் எதிர்ப்பிற்கான‌ முறை இதுவன்று...